15 қыркүйекте таңертең Украина қарулы күштерінің бас штабы Бахмут маңындағы Андреевка ауылын бақылауға алғанын растады.
"Қорғаныс күштері шабуыл кезінде Клещеевка ауданында ішінара табысқа жетті. Соққы кезінде Андреевканы алдық" делінген хабарламада.
Бір күн бұрын Украина қорғаныс министрінің орынбасары Анна Маляр Андреевка селосы азат етілгенін мәлімдеген, кейін сол аймақта соғысып жатқан әскери бөлімдердің өкілдері оның сөзін “асығыс мәлімдеме" деп атаған.
Андреевка — Бахмут маңында украин әскері бақылауға алған алғашқы елді мекен. Аталған аумақ көктемде "Вагнер" жеке әскери компаниясы қатысқан ұзақ шабуылдан кейін Ресей бақылауына өткен еді.
Клещеевка мен Андреевка Бахмуттағы үйінділерден оңтүстікке қарай бірнеше шақырым жерде орналасқан. Украина әскері жаз басынан бері қаланы қоршауға тырысып, Клещеевка аймағын азат етуге күш салған. Андреевка Бахмуттың оңтүстігінен әріде жатыр.
Сәрсенбіде соғыс туралы жазатын ресейлік телеграм-арналар Ресей әскері Андреевкадан да, көрші Клещеевкадан да кеткенін хабарлады. Олардың айтуынша, қираған екі елді мекенді қазір "ешкім бақылап отырған жоқ".
Украинские войска сражаются под Бахмутом, несмотря на потери
