АҚШ пен Еуропа одағы террор ұйым деп таныған Палестинаның радикалды ХАМАС тобы Газа секторында кепілде отырған Израиль азаматтарын босату жөніндегі келіссөз тоқтағанын хабарлады. Оған Әл-Шифа ауруханасы маңындағы атыс себеп болған деген Reuters Палестина шенеунігіне сілтеме жасаған.
NBC News Ақ үйге сілтей отырып, Израиль кепілде отырған 80 әйел мен баланы Израиль түрмесіндегі Палестина әйелдері мен жасөспірімдеріне айырбастау жөнінде ХАМАС-пен келісімге келуге тырысып отыр.
NBC News сөйлескен дереккөз Израиль қанша адамды түрмеден шығарғалы отырғанын нақтыламаған.
Израиль әскері 12 қарашада аурухана маңында әскери операция өткізгенін растаған. Израиль ХАМАС аурухананы жер астындағы командалық пунктке қалқан ретінде пайдаланып отыр. ХАМАС оны теріске шығарған.
ПІКІРЛЕР