Буэнос-Айресте Аргентинаның жаңа президенті Хавьер Милейдің инаугурациясы өтті. Келген қонақтардың арасында Украина президенті Владимир Зеленский де бар. Ресей Украинаға басып кіргелі Зеленский Латын Америкасына алғаш барып отыр. Милей Ресей агрессиясын әлденеше рет айыптап сөйлеген.
Экономист Хавьер Милей 19 қарашада өткен Аргентина президенті сайлауының екінші турында жеңіске жеткен. Саяси шолушылар оның идеологиялық және экономикалық көзқарастарын оңшыл, анархист, либертариан және консерватив идеялардың қоспасы деп санайды, өзін популист деп есептейді. АҚШ пен Бразилия президенттері - Дональд Трамп және Болсанаруды үлгі тұтатынын айтқан Мидейдің сайлау кампаниясы мемлекет өкілетін азайтуға бағытталған. Латын Америкасының кейбір елдерінің басшыларына қарағанда Милей АҚШ-қа бағыт алуға шақырған және Израиль мен Украинаны қолдаған.
Милей президент ретіндегі алғашқы сөзінде "Аргентина экономикасын ауыр жағдайдан алып шығып, елді гүлдендіруге" уәде берген. Қазір Аргентинадағы жылдық инфляция 140 пайыздан асып тұр, Аргентинаның әрбір бесінші азаматының екеуі кедейшілікте өмір сүреді.
ПІКІРЛЕР