Америкалық SpaceX корпорациясы АҚШ ұлттық әскери-ғарыш барлау басқармасының тапсырысымен орбитаға тыңшы спутниктер тобын шығарады. Бұл жөнінде дереккөзге сүйенген Reuters хабарлады.
Агенттіктің хабарлауынша, топ Жерді түсіруге мүмкіндігі бар жүздеген спутниктен құралған. Бұл Вашингтонның әлем бойынша потенциал нысаналарды жылдам анықтау мүмкіндігін айтарлықтай арттырады. 2020 жылдан бері шамамен ондаған спутник "Фалькон" зымыран тасығышы арқылы орбитаға шығарылған.
Аталған желі SpaceX-тің басқа спутниктер тобы Starlink-терге де ортақ болады. Starlink жылдам дерек алмасу үшін жасалған, бірақ қазір Украинада әскери мақсатта пайдаланылып жатыр.
SpaceX пен үкімет өкілдері агенттікке түсініктеме бермеген. Reuters мәліметінше, жобамен айналысатын SpaceX бөлімі Starshield ("жұлдыз қалқан") деп аталады және спутник жасау бойынша құны 1,8 млрд доллар болатын келісімге қол жеткізген.
Ақпан айында SpaceX-тің белгісіз барлау агенттігімен ірі келісімшарт жасасқанын The Wall Street Journal жазған.
