Американың Луизиана штатында шешуші праймериз өтті. Онда саяси партиялар президент сайлауына кім қатысатынын анықтайды. Демократиялық партия атынан сайлауға қазіргі АҚШ президенті Джо Байден, республикалық партия атынан бұрынғы президент Дональд Трамп қатысады.
Луизианадағы праймериздің нәтижесі көп күткендей болды, деп жазды Associated Press агенттігі. Байден де, Трамп та өз партияларындағы жалғыз кандидат болып қалды – олардың қарсыластары сайлаудан түсіп қалды.
Алайда басылымның жазуынша, ешбір партияға кірмейтін сайлаушылар үшін екі кандидаттың басымдықтары жоқ. Байден мен оның әкімшілігін көбі Газа секторында Израиль мен ХАМАС (ЕО, АҚШ-та террористік ұйым деп танылған) қақтығысы кезінде айқын сенімділікпен әрекет етпеді деп кінәлайды.
Трампқа алаяқтық пен қызметтік өкілетін асыра пайдалану баптары бойынша қылмыстық айыптар тағылған.
Дегенмен праймериз кезінде Байден да, Трамп та бірнеше штатта сенімділікпен жеңіске жетті. Кампания кезінде екеуі де Ақ үйдегі жетістіктеріне сүйеніп, бір-бірін Американың жауы деп атады.
АҚШ-та президент сайлауы 5 қарашаға белгіленген. Негізгі тартыс демократиялық және республикалық партия кандидаттары арасында өтеді.
Байден мен Трамптан бөлек сайлауға АҚШ-тың 35-ші президентінің немере інісі Роберт Фрэнсис Кеннеди, философ Корнэлл Уэст, жасылдар партиясынан Джилл Стайн қатысатынын білдірген.
