Семейде АЭС мәселесіне арналған жария талқы кезінде ұсталған белсенді Елдос Досанов 15 күнге қамалды. Бұл жөнінде "Белсенділер экстремист емес" мониторинг тобы хабарлады.
Белсенді "полиция талабына бағынбады" (667-бап) деп айыпталған.
Досановты кеше, 8 тамызда полиция АЭС мәселесіне арналған Семейдегі жария талқы кезінде ұстап әкеткен еді. Белсенді оқиға орнынан тікелей эфирде хабар таратқан.
Елдос Досанов – қоғамдық-саяси мәселелерге пікірін айтып жүрген белсенді. Былтыр ол "Оян, қазақ" фильмінен кейін оппозиция белсендісі туралы айтқаннан соң әкімшілік жазаға тартылған еді
