Қырғызстан түрмелерінде аштық жарияланды

Қырғызстанның төрт түрмесіндегі тұтқындар бүгін аштық жариялады. Тұтқындардың туыстары наразылық шарасы түрмедегі өте нашар жағдайға назар аударту үшін басталды дейді.

Жазаларды жүзеге асыру жөніндегі мемлекеттік қызмет басшысының орынбасары Қалыбек Қашқыналиевтің айтуынша, билік орындарының жағдайды өз бақылауында ұстауына жеткілікті ресурстары бар.

Аштық акциясына нақты қанша адамның қатысып жатқандығы әзірше белгісіз.