Accessibility links

Сирия қауіпсіздік күштері шерушілерге оқ атты


Сирияда Ассад әулетінің 40 жылдық билігіне қарсы наразылық танытушылар ел астанасы Дамаск пен басқа да қалаларда шеру өткізді.

Хабарларға қарағанда, қауіпсіздік күштері наразылық танытушыларды қуып тарату үшін оқ атқан. Associated Press агенттігінің мәліметінше, жұма Сирияның кемінде алты қаласында және ауылдарында бірнеше адам оққа ұшқан. Бұл ақпарат тәуелсіз түрде әлі расталмады.

Билік орындары журналистердің қозғалысына шектеу енгізді деп хабарланып отыр.

Адам құқықтары жөніндегі Amnesty International ұйымының мәліметінше, президент Башар әл-Ассадтың режиміне қарсы шерулердің орталығына айналған Дераа қаласында осы аптада опат болғандардың саны кемінде 55-ке жеткен.

Куәгерлердің айтуынша, жұма күні наразылық танытушылар қазіргі президенттің әкесі бұрынғы мемлекет басшысы Хафез әл-Ассадтың ескерткішін құлатқан, ал қауіпсіздік күштері бұған жауап ретінде атысты бастаған.

AzattyqTV

AzatNEWS 23.05.2017

AzatNEWS 23.05.2017

Аудиоподкаст

XS
SM
MD
LG