Кувейтте үкімет отставкаға кетті

Кувейт әмірі Сабах әл-Ахмед ас-Сабах бейсенбіде толық құрамда отставкаға кетуді ұйғарған үкімет шешімін қабыл алды.

Бұның алдында парламент депутаттары премьер-министрден ел үкіметінің үш мүшесі - сыртқы істер, экономика және ақпарат министрлерінің кейбір саяси мәселелерге қатысты депутаттардың сұрақтарына жауап берулерін талап еткен еді.

Әдетте Кувейтте бұлайша сауал салу сенімсіздікті білдіреді. Депутаттар жауап берулерін талап еткен әлгі үш министр Кувейтте билік құрып отырған ас-Сабахтар әулетінен.