АҚШ әскери қылмыстар бойынша екі күдіктіні Боснияға бермек

Боснияда 1992-1995 жылдары болған соғыс қылмыстарына қатысы бар деген күдікпен Америкада сәрсенбіде ұсталған екі кісіні - ер және әйел адамдарды АҚШ Боснияға экстрадициялауы мүмкін.

"Ассошейтед пресс" агенттігінің хабарлауынша, Эдин Джеко мен Расема Хандановичті АҚШ билігі Босния үкіметінің сұрауы бойынша ұстаған.

Бұл екеуі осыдан бірнеше жыл бұрын Америкаға қоныстанып, кейіннен АҚШ азаматтығын алған.