Accessibility links

Ливияда шетелдік екі журналист қаза тапты


Ливиядағы Мисурата қаласында сәрсенбі күні шетелдік екі журналист қаза тауып, екі журналист жараланған.

Британдық Тим Хетерингтон мен америкалық Крис Хондрос минометтен жауған миналардың жарылысынан қаза болғаны хабарланып отыр. Хетерингтон - Ауғанстандағы америкалық әскерилер туралы түсірілген, "Оскар" сыйлығына ұсынылған "Рестрепо" атты деректі фильмнің режиссерлердің бірі. Ал Хондрос - Getty Images агенттігінің фототілшісі болатын.

Мисурата қаласында бірнеше аптадан бері көтерілісшілер мен қаланы қоршауға алған Муаммар Каддафиге бағынышты әскер арасында кескілескен шайқас жүріп жатыр.

БҰҰ-ның адам құқықтары жөніндегі мекемесінің басшысы Нави Пиллай үкімет әскері Мисуратаны кассеталық бомбалармен атқылады деп мәлімдеп, Каддафи күштерін "әскери қылмыспен пара-пар іске барып отыр" деп айыптады.

AzattyqTV

Аудиоподкаст

XS
SM
MD
LG