Сирияда құрбан болған шерушілер жерленеді

Сирияда зорлық-зомбылық әрекеттері жалғасуы мүмкін.

Елде жұма күні қауіпсіздік күштері өлтірген демократияшыл наразылық танытушылар бүгін жерленеді. "Рейтерс" агенттігі сириялық адам құқығын қорғаушы белсендіге сілтеме жасай отырып, "жерлеу рәсімі бұрынғыдай үлкен наразылық шарасына ұласады" деп хабарлады.

Хабарларға қарағанда, сәуірдің 22-де қауіпсіздік күштері 90-ға жуық наразылық танытушыны атып өлтірген.