Иран Египетпен дипломатиялық байланысын қалпына келтіруге әзір

Иран сыртқы істер министрі Әли Акбар Салехи Египетті Тегеранмен дипломатиялық байланыстарды жаңарту бағытында "батыл қадам" жасауға шақырды.

Ресми ИРНА ақпарат агенттігінің хабарлауынша, Салехи Иран Египетпен арадағы қарым-қатынастар деңгейін көтеруге дайын деп мәлімдеген.

Екі ел арасындағы дипломатиялық байланыстар "Ислам революциясынан" кейін 1980 жылы үзілген болатын.