Accessibility links

Азаттыққа әлеуметтік медиа редакторы керек


Азат Еуропа/Азаттық Радиосы компаниясының Прага кеңсесі

Азаттықтың Қазақ қызметіне және "Орталық Азия мигранттары" медиажобасына қазақ тілінде жазатын әлеуметтік медиа редакторы керек.

"Орталық Азия мигранттары" – Қазақстан, Қырғызстан, Өзбекстан, Тәжікстан және Түркіменстаннан шетелге жұмысқа кететін еңбек мигранттарына қатысты мәселелерді жазатын журналистер командасы.

Жұмыс Бішкек қаласында, дегенмен Орталық Азияның басқа қалаларында тұратын үміткерлер де қарастырылады.

Негізгі жауапкершіліктері:

  • YouTube, Facebook, Instagram, Twitter, VKontakte, OK, Telegram сияқты түрлі платформаларда жариялауға лайық қызық та мазмұнды контент әзірлеуге қатысу және оның жұмысын үйлестіру;
  • Барлық платформалардағы материалдарда редакторлық стандарттың сақталуын бақылау, материалдарды жарияламас бұрын редакциялау;
  • Әлеуметтік желіден, қолданушы жасаған контенттен журналистік материалға қажет ақпарат, контент табу;
  • Түрлі платформалардағы оқылым, қаралым көрсеткіштерін бағалап, салыстырып, болжам жасап отыру;
  • Әлеуметтік желіде хабар таратудың соңғы трендтерін бақылап, талдап, әріптестермен бірге сторителлингтің жаңа түрлерін пайдаланып, эксперимент жасау;
  • Азат Еуропа/ Азаттық радиосының Цифрлық стратегия бөлімімен тәжірибесін бөлісіп отыру, ж т.б.

Білімі

  • Журналистика не соған жақын мамандық бойынша бакалавр дәрежесі не осы салада тәжірибесі болуы керек.

Жұмыс тәжірибесі:

  • Әлеуметтік медиада кемінде бес жыл жұмыс істеген;
  • Ақпарат құралында цифрлық журналист ретінде кемі бес жыл жұмыс істеген;
  • Көп ұлттың, көп мәдениеттің өкілдері еңбек еткен ортада жұмыс тәжірибесі бар, не Орталық Азия елдерінде тұрған;
  • Менеджер тәжірибесі бар.

Білігі:

  • Ақпаратты таңдай білу;
  • Командада жұмыс істеу этикасы;
  • Цифрлық, әлеуметтік желі өлшемдерін жақсы білу;
  • Әлеуметтік медиаға өнім дайындау тәжірибесі;
  • Жаңалық жазу және редакциялау тәжірибесі;
  • Орталық Азия мигранттары тақырыбын жақсы білу;
  • Tweetdeck, Crowdtangle, Socialbakers құралдарын жақсы білу;
  • Көп тапсырманы бір кезеңде орындау және жұмысты уақытында бітіре алу;
  • Орталық Азиядағы және жалпы әлемдегі саяси, экономикалық, әлеуметтік ахуалдан хабардар болу.

Тіл білу деңгейі:

  • Қазақ тілінде еркін сөйлеп, жаза алу
  • Орыс тілінде еркін сөйлеп, жаза алу
  • Ағылшын тілінде орташа білу

Бос жұмыс орны туралы толық ақпарат алып, өтініш беру үшін мына сілтемеге өтіңіз.

XS
SM
MD
LG