Бір күнде коронавирус жұққан 794 науқас анықталды, 274 адам жазылды
30 қарашада Қазақстанда коронавирус жұққаны арнайы тестпен расталған 794 адам анықталды. Бір күнде 274 адам жазылды.
Денсаулық сақтау министрлігінің ақпараты бойынша, жексенбі күні ең көп науқас Шығыс Қазақстан облысы (125) мен Павлодар облысында (121) тіркелген. Солтүстік Қазақстан облысында - 108, Ақмола облысында – 91, Қостанай облысында – 87, Алматы қаласында – 70, Нұр-Сұлтанда – 54, Батыс Қазақстан облысында 44 адамнан коронавирус анықталған. Өткен тәулікте Қызылорда облысында науқас тіркелмеген.
Наурыз айынан бері коронавирус жұққаны тестпен дәлелденгендер 131 659 адамға жетті: 116 мыңнан астамы жазылған, 2020-ы қайтыс болған.
Қазақстанның коронавирус статистикасына коронавирус пневмониясына шалдыққандар есебі енгізілмеген. 1 тамыздан бері 41 940 адамға коронавирус пневмониясы диагнозы қойылған, 440 адам қайтыс болған, 30 мыңнан астамы жазылған.
Бұған қоса, коронавирус статистикасына Covid жұққан, бірақ "ілеспе аурудан қайтыс болды" делінген жүздеген адам өлімі де енгізілмеген.
Кейбір мамандар Қазақстанның ресми орындары таратқан коронавирус мәліметке күмәнмен қарайды.
Еуропада Covid-тен өлгендер 400 мыңнан асты, АҚШ-та бір айда 4 млн науқас тіркелді
28 қараша күні Еуропада коронавирустан қайтыс болғандар саны 400 мыңнан асты. Пандемия басталғалы сегіз ай өтсе, осы аралықта Еуропада Covid ауруынан 400 949 адамның өлімі тіркелген. Бұл туралы Аурудың алдын алу және қадағалау жөніндегі еуропалық орталық хабарлады. Коронавирус инфекциясын жұқтырып қайтыс болғандар жөнінен көш басында Ұлыбритания (57 551), Италия (53 677), Франция (51 914), Испания (44 668) және Ресей (39 068) тұр.
Вирус жұқтырғандар саны 13 миллионнан асқан АҚШ-та тек қараша айының өзінде 4 миллион Covid науқасы анықталған. Айдың аяқталуына әлі екі күн бар. Бұл – қазан айындағы рекордтан екі есе жоғары көрсеткіш. Елде орташа есеппен күніне 1,5 мыңға жуық адам коронавирустан көз жұмып жатыр. Қайтыс болғандардың жалпы саны 266 мыңнан асып қалды. Ауруханаға жатқызылғандар саны алғаш рет 90 мыңнан асты. Бұл көптеген штатты шектеу шараларын күшейтуге мәжбүрледі.
"Біз апатқа жақындап келеміз" деді CNN-ге Джордж Вашингтон университетінің шақырылған профессоры Леана Вен. "АҚШ-та қайтыс болатындардың тәулік саны жуық арады 2 мыңнан, бәлкім 3 мыңнан, 4 мыңнан асуы мүмкін".
Ресейдің Санкт-Петербург қаласында жаңа туған нәрестенің әке де, шешесі де коронавирустан қайтыс болып, отбасынан тұтас айырылған. Жасанды тыныс алу аппаратына қосылған әйел босанған күні көз жұмған. Ал сәбидің әкесі одан үш күн бұрын қайтыс болған. Ресейде індет басталғалы 2 миллион 249 мың адамның вирус жұқтырғаны расталған. Оның 39 мыңнан астамы қайтыс болған, 1 миллион 746 мыңы жазылып шыққан.
Қазақстанда ПТР тестімен расталған коронавируспен екінші күн қатарынан 826 науқас тіркелді
28 қараша күні Қазақстанда ПТР тестімен расталған коронавирус ауруымен 826 науқас тіркелді. Бұл туралы Covid инфекциясын таратпау жөніндегі ведомствоаралық комиссия хабарлады. Науқастардың төрттен үшін елдің солтүстік және шығыс бөлігіндегі аймақтардың үлесінде.
Covid науқастарының жалпы саны жөнінен санаулы күн бұрын бірінші орынға шыққан Шығыс Қазақстан облысында коронавирусты тағы 145 адамның жұқтырғаны анықталып отыр. Күз басталғалы аймақтар бойынша көш бастап келген бұл облыста 28 қазаннан бастап күнделік анықталатын науқастар үш таңбалы санмен белгіленді. Оған дейін ауруға шалдыққандардың тәулік көрсеткіші 30-дан аспаған.
Павлодар облысында 120, Солтүстік Қазақстан облысында 105 адам Covid жұқтырғандар қатарына қосылды. Одан кейінгі орындарда Ақмола облысы (86), Қостанай облысы (85) және Нұр-Сұлтан қаласы (83).
Түркістан облысында 2, Ақтөбе және Қызылорда облыстарында 1 науқастан тіркелген.
Қалған аймақтардағы жағдай мынадай:
Алматы қаласы – 73
Шымкент қаласы – 6
Алматы облысы – 33
Атырау облысы – 18
Жамбыл облысы – 14
Батыс Қазақстан облысы – 39
Қарағанды облысы – 25
Елде вирус жұқтырғандар барлығы 130 865 адамға жетті. Оның ішінде 116 187 адам аурудан айығып үлгерген. 28 қарашадағы ресми мәлімет бойынша, Covid ауруынан барлығы 2020 адам қайтыс болған. Бұл статистикаға коронавирус жұқтырғаны расталған, бірақ "ілеспе аурудан қайтыс болды" деген жүздеген адам кірмеген.
Covid жөніндегі ұлттық статистикаға коронавирус пневмониясына шалдыққандар қосылмай отыр. Есебі 1 тамыздан бері жүргізіліп келе жатқан бұл ауруға 28 қарашаға дейін барлығы 41 940 адам шалдыққан. Оның ішінде 440 адам аурудан айыға алмай қайтыс болған.
Коронавирус инфекциясын таратпау жөніндегі ведомствоаралық комиссияның дерегі бойынша, өткен тәулікте (27 қараша) Қазақстанда Covid ПТР тестімен анықталған 826 адам, ал оған ұқсас пневмониямен ауырған 184 адам тіркелген. Екеуін қосқанда бір тәулікте 1010 науқас тіркелді. Жаздан бері науқастардың тәуліктік өсімі 1 мыңға жетпегей келген еді.
Аймақтар бойынша қарасақ, індет Шығыс Қазақстан (Covid-пен 145 адам тіркелген), Павлодар (117 адам), Солтүстік Қазақстан облысы (119 адам), Қостанай (77 адам), Ақмола (74 адам) облыстарында және Алматы (84 адам), Нұр-Сұлтан (73 адам) қалаларында өршіп тұр.
Басқа аймақтардағы эпидемиялық жағдай біршама тұрақты:
Атырау облысында коронавирус инфекциясы нақтыланған 15 адам тіркелді.
Қарағанды облысы – 22 адам,
Батыс Қазақстан облысы – 43 адам,
Алматы облысы – 23 адам,
Шымкент қаласы – 6 адам,
Жамбыл облысы – 15 адам,
Ақтөбе облысы – 6 адам,
Түркістан облысы – 4 адам,
Маңғыстау облысы – 3 адам.
Өткен тәулікте Қызылорда облысында коронавирус жұқтырған бірде-бір науқас тіркелмеген.
Ресми статистикаға сүйенсек, өткен тәулікте Covid-тен 660 кісі, соған ұқсас пневмониядан 60 кісі жазылып шыққан.
Жалпы наурыздан бері 130 039 адам коронавирус инфекциясын жұқтырса, 1 тамыздан бергі санақ бойынша, 41 940 адам белгілері коронавирусқа ұқсайтын пневмонияға шалдыққан.
ПІКІРЛЕР