Accessibility links

Медицина қызметкері.
Медицина қызметкері.

Бір тәулікте коронавирус инфекциясын жұқтырған 1002 адам тіркелді

Джонс Хопкинс университетінің мәліметі бойынша, әлемде коронавирус жұқтырғандар 118 млн 455 мың адамнан асты. 67 млн 95 мың адам жазылған. 2 млн 628 мың науқас қайтыс болған.

Дүниежүзілік денсаулық сақтау ұйымы Қытайдан тараған бұл вирусты "пандемия" деп жариялаған. Коронавирус жайлы қаңтардың басында белгілі болды. Оны алғаш жұқтырғандар Қытайдың Хубэй провинциясының Ухань қаласында тіркелді. Вирус тыныс алу жолын зақымдап, пневмонияны өршітеді. Бұл дерттің көбіне егде жастағылар мен созылмалы ауруы бар адамдарға салдары ауыр болуы мүмкін.

19:25 9.3.2021

Қазақстанда вакцинациялау қалай жүріп жатыр?

Қазақстанда вакцинациялау қалай жүріп жатыр?
please wait

No media source currently available

0:00 0:03:33 0:00

12:00 9.3.2021

COVAX бағдарламасы аясында берілетін коронавирус вакцинасының алғашқы партиясы Ауғанстанға жетті

Халықаралық COVAX бағдарламасы аясында берілетін коронавирусқа қарсы вакцинаның алғашқы партиясы Ауғанстанға жетті. Дүниежүзілік денсаулық сақтау ұйымының мәліметінше, 8 наурызда коронавирусқа қарсы вакцинаның 468 мың дозасы елге жеткен. Ауғанстан бағдарлама аясында жалпы 3 миллионға жуық доза алады деп айтылады.

Кабул клиникасында коронавирусқа қарсы екпе алып жатқан әйел. Көрнекі сурет.
Кабул клиникасында коронавирусқа қарсы екпе алып жатқан әйел. Көрнекі сурет.

ДДСҰ-ның мәлімдеуінше, дозаның қалған бөлігі алдағы апталарда жеткізіледі. Вакцинадан бөлек, Кабулға 470 мың шприц, вакцина сақтайтын 4 700 контейнер әкелінген.

Ауғанстан денсаулық сақтау жүйесі өкілдерінің айтуынша, дамушы елдерді вакцинамен қамтамасыз етуді көздейтін COVAX бағдарламасы 38 миллион халқы бар мемлекет тұрғындарының 20 пайызын вакциналауға мүмкіндік береді.

COVAX — ДДСҰ мен жартылай мемлекеттік Gavi альянсының ортақ бастамасы. Бағдарлама коронавирусқа қарсы вакцинаның кедей және бай елдер арасында тең бөлінуін қадағалайды. 2021 жылдың соңына таман COVAX дамушы елдерді 2 млрд вакцина дозасымен қамтамасыз етуі тиіс.

10:46 9.3.2021

Қазақстанда тағы 500-ден астам адамнан коронавирус пен пневмония анықталды, 9 адам қайтыс болды

Қазақстанда тағы 571 адамның коронавирус тесті оң шықты. 4 адамға коронавирус пневмониясы диагнозы қойылды. Коронавирус пневмониясы - бұл ПТР тестпен емес, клиникалық белгілері бойынша Covid диагнозы қойылатын пневмонияның коронавирусқа ұқсас түрі. 7 наурыз күнгі мәлімет бойынша, 9 адам өлімі тіркелген: 7 адам - коронавирустан, 2 адам коронавирус пневмониясынан қайтыс болды деп айтылады.

ПТР тесті оң шыққан науқастардың тәуліктік көрсеткіші бойынша бірінші орында Алматы қаласы тұр. Дүйсенбі күні мұнда 118 науқас анықталған. Ақмола облысында - 73, Павлодар облысында - 63, Нұр-Сұлтан қаласында - 61, Қостанай облысында - 50, Батыс Қазақстан облысында - 39, Алматы облысында - 38, Қарағанды облысында - 35, Атырау облысында - 27, Солтүстік Қазақстан облысында - 24, Шығыс Қазақстан облысында - 18, Жамбыл облысында - 17, Ақтөбе, Маңғыстау, Түркістан облыстарында әрқайсысында 3 адамнан коронавирус анықталған.

2020 жылдың наурыз айынан бері 219 325 адамның коронавирус тесті оң шыққан. Содан бері 2 819-ы қайтыс болған. Коронавирус анықталған, бірақ арнайы комиссия "Covid-тен емес, басқа аурудан қайтыс болды" делінген жүздеген адам өлімі бұл статистикаға енгізілмеген. Статистикада "коронавирусқа ұқсас пневмониядан" қайтыс болғандар да көрсетілмеген.

2020 жылдың 1 тамызынан бері елде 49 577 адамнан коронавирус пневмониясы анықталған, 646 адам қайтыс болған. Елде коронавирус пневмониясына шалдыққандар былтыр маусым мен шілде айларында да байқалғанмен оның есебі тек 1 тамыздан бастап жүргізіле бастады. Денсаулық сақтау министрлігі мұның себебін коронавирус пневмониясын жалпы пневмониядан ажырату қиындығымен түсіндірді.

Көптеген сарапшылар Қазақстанның коронавирус бойынша ресми статистикасына күмән келтіреді.

Америкалық Джонс Хопкинс университетінің мәліметінше, әлемде 117,1 млн адамнан коронавирус анықталған, шамамен 2,6 млн адам қайтыс болған.

09:04 9.3.2021

Башар Асад пен оның әйелінен коронавирус анықталды

Башар Асад пен оның әйелінен коронавирус анықталды. Сирия президенті кеңсесінің мәлімдемесінде ерлі-зайыптылардың бойынан жеңіл әлсіздік байқалып, коронавирус тестін тапсырғаны, тест нәтижесі оң шыққаны жазылған.

55 жастағы Башар Асад пен оның 45 жастағы әйелі Асма екі-үш апта бойы оқшауланады. Сирия президенті басқармасының хабарламасына сүйенген батыс ақпарат құралдары ерлі-зайыптылардың жағдайын "жақсы әрі тұрақты" деп сипаттады.

Дамаск бақылауындағы аумақта 16 мыңнан астам адамнан коронавирус анықталған, 1063-і қайтыс болған деп айтылады. Алайда коронавирус жұқтырғандар мен одан қайтыс болғандар саны одан әлдеқайда көп болуы мүмкін.

Сирия өткен аптада вакцинация басталғанын хабарлаған. Бірақ ол жайлы толық ақпарат жарияланбады. Билік "әріптес елден вакцина әкелінгенін" хабарлады, бірақ нақты қай елден жеткізілгені айтылмады.

Батыс агенттіктерінің жазуынша, Израиль Ресейден 1,2 млн долларға коронавирус вакцинасын сатып алғаны хабарланған күні вакцинация жайлы ақпарат тараған. Шетел баспасөзі бұл келісімді Сирия билігі ұстаған Израиль азаматын босату туралы келісімнің бір бөлігі деп атады.

Келісімнің жай-жапсары белгісіз. Сирия мұндай келісім болғанын жоққа шығарады, ал Ресей түсініктеме беруден бас тартты.

Тағы

ПІКІРЛЕР

XS
SM
MD
LG