1945 жылы 9 тамыз күні АҚШ-тың B-29 бомбалаушы ұшағы Жапонияның Нагасаки қаласына атом бомбасын тастады. Жарылыс салдарынан 80 мыңға тарта адам құрбан болған. Нагасаки 1945 жылы тамыз айында атом бомбасы лақтырылған Жапониядағы Хиросимадан кейінгі екінші қала. Бейсенбі күні Нагасаки қаласында өткен еске алу шарасына тұңғыш рет БҰҰ-ның бас хатшысы Антониу Гутерриш қатысты. Ол әлем елдерін ядролық қарудан бас тартуға шақырды.