"Баламды Қазақстанға бермеңдер"

Бішкекте ұсталған қазақстандық белсенді Мұратбек Тұңғышбаевтың анасы Бақтыбала Тұңғышбаева Алматыдағы Қырғызстан консулдығына келіп, ұлын Қазақстанға бермеуді өтінді. Қазақстан билігі Тұңғышбаевты Астана соты "экстремистік ұйым" деп танып, тыйым салған тіркелмеген "Қазақстанның демократиялық таңдауы" қозғалысына қатысты деген күдікпен сұратқан.