Кемертоғандағы құжатсыз үй тұрғындары наразылық білдірді

Алматы облысы Қарасай ауданы Кемертоған ауылының отызға жуық тұрғыны ресми орындардың үйлеріне құжат бермей отырғанына наразылық білдірді. Олардың айтуынша, ауылы шетіне жаңадан салынған жүздеген үйдің құжатсыз тұрғанына он жылға жуықтаған. Соңғы кездері Қарасай ауданы әкімдігі «жол салынады» деген уәжбен көптеген үйдің жер учаскесін алынатынын, «жол жағасындағы қызыл сызық үстінде тұрған» кейбір үйлердің бұзылуы мүмкін екенін ескерткен.