Алматыда оппозиция қайраткері Алтынбек Сәрсенбайұлын еске алды. 11 ақпанда бір топ адам мемлекет қайраткері, оппозициялық саясаткер Алтынбек Сәрсенбайұлының зиратының басына гүл қойып, марқұмның әруағына құран бағыштады. Осыдан 15 жыл бұрын ақпан айында саясаткерді екі көмекшісімен бірге ұрлап әкетіп, атып өлтірген. Марқұмның туыстары мен серіктері қылмыстың құпиясы әлі толық ашылған жоқ деп санайды. Азаттық тілшісі марқұм саясаткер, журналистің қоғамда қандай іспен есте қалғанын жақындарынан сұрады.