БҚО-дағы Березовка ауылында оқушылар есінен танып әлі құлап жатыр. Былтыр қарашада мектепте 20 шақты оқушы ес-түссіз халге ұшыраған. Тұрғындар бұл дерттің себебін жақын маңдағы Қарашығанақ кенішіндегі улы газдан көреді. Кеніш игерушілер бұл күдікті жоққа шығарады. Дерт алғаш байқалған соң 10 ай өте билік талып құлауға мектептің қазандығындағы ақау себеп болды деп мәлімдеген. Азаттық тілшісі қазандық әлі іске қосылмай жатып оқушылардың неге талып қала беретінін тексеріп көрді.