Қазақстанның бұрынғы президенті Нұрсұлтан Назарбаевқа оның есімі берілген ел астанасында тағы бір ескерткіш орнатылды. Бұл жолы Назарбаевтың ескерткіші Ұлттық қорғаныс университетінің алдына қойылды. Жаңа ескерткіштің ашылу рәсімі Назарбаевтың мерейтойына санаулы күн қалғанда өтті. 6 шілдеде Назарбаев 80 жасқа толады. Бұл күн елде Астана күні мерекесі болып белгіленген, жылда атап өтіледі.