Таяуда Сербия астанасы Белградта бокстан әлем чемпионаты өтті. Жарыс күндері әлеуметтік желіде сол жақтан бір видео жарияланып, қазақстандықтар арасында қызу талқы тудырды. Онда Арман Жұмагелдиев есімді азаматтың ұтылып қалған қазақ боксшыларына сыйақы беріп жатқаны бейнеленген. Ел арасында "Дикий Арман" деген лақап атымен танымал Жұмагелдиев криминал әлемінің өкілі саналады. Азаттық мәдениет және спорт министрі Ақтоты Райымқұловадан осы жағдай туралы пікірін сұрады.