Қазақстандағы қамау орындарында жазасын өтеп жатқан 30 мыңнан аса азаматтың жеті пайызға жуығы – әйел. 65 жастағы Людмила Гаджиева бірнеше рет сотталып, ұзақ уақыт түрмеде отырған. Қазір Алматыдағы әлеуметтік бейімдеу орталығында тұрады. Қамауда болған кезде құжаттарын жоғалтқан ол 2010 жылдан бері азаматтық алуға тырысып жүр. Людмила Гаджиева Азаттыққа абақтыдан кейінгі өмірі туралы айтып берді.