Алматыдағы бірнеше көшені қазып тастаған. Құрылыс маңындағы көлік қозғалысы қиындап тұр.
Алматының қазылған көшелері
1
Төле би көшесінің бойы су құбырын жөндеу үшін қазылған. Тарылған жолмен көліктің жүруі қиын. Алматы, 5 қыркүйек 2013 жыл.
2
Алтынсарин даңғылын Шаляпин көшесі қиылысынан Абай даңғылына дейінгі аралықты су құбырларын ауыстыру үшін қазып тастаған. Қала тұрғындары жолдың жабылғанына айдан асқанын айтады. Алматы, 5 қыркүйек 2013 жыл.
3
Жабылған жолдың төңірегінде қамалып тұрған көліктер. Алматы, 5 қыркүйек 2013 жыл.
4
Науаи және Рысқұлбеков көшелерінің қиылысқан тұсынан Жандосов көшесіне дейінгі жол су құбырын жөндеу үшін қазылған. Жергілікті тұрғындар "айдан асса да жұмыстың жүрмей жатқанын" айтады. Алматы, 5 қыркүйек 2013 жыл.
5
Асыққан көліктер қоршаудың ішімен Абай даңғылына өтіп жатыр. Алматы, 5 қыркүйек 2013 жыл.
6
Науаи және Рысқұлбеков көшелерінің қиылысындағы қазылған жер. Алматы, 5 қыркүйек 2013 жыл.
7
Көліктер Шаляпин көшесінен Абай даңғылына дейін қарсы бағытпен жүреді. Азаттық тілшісі екі көше арасындағы 1 километр жолды көлікпен жарты сағатта әрең өтті. Алматы, 5 қыркүйек 2013 жыл.
8
Алматы тұрғыны Мәди "Бұл жол жөндеу және су құбырын жүргізу мекемелері арасындағы жұмысты ешкім үйлестірмейтінін көрсетеді. Былтыр толық жөндеуден өткен жолды биыл құбыр тарту үшін қайта қазып тастады" дейді. Алматы, 5 қыркүйек 2013 жыл.
