Полициядан көмек сұраған әйел көп өтпей қайтыс болды. Іс бір жабылып, қайта ашылды

28 жастағы Динара Мыңбаева былтыр шілдеде қайтыс болған. Келіншек көз жұмарынан бірер сағат бұрын полицияға хабарласып, күйеуі ұрғанын айтып, көмек сұраған. Полиция күйеуін ұстағанымен, үш сағатта босатқан. Бірнеше сағаттан соң Динараның қазасы хабарланды. Полиция істің қылмыс құрамы жоқ деп тапқан.