Путин тағайындаған жаңа губернатор Хабаровскідегі наразылықты баса алмай отыр

Ресейдің Хабаровск қаласындағы наразылық екі апта бойы жалғасып келеді. Ұйымдастырушылардың айтуынша, 25 шілде күні наразылыққа 50 мыңнан астам адам шыққан. Наразылық губернатор Сергей Фургалға адам өлтірді деп айып тағылып, тергеуге алынғаннан кейін басталған. Өткен аптада Путин оны қызметінен босатып, жаңа губернаторды тағайындаған, бірақ бұдан халық наразылығы басылмады.