Киевтегі "Олимпийский" стадионында Ресейде түрмеде отырған украиналық режиссер Олег Сенцовты қолдау акциясы өтті. Құқық қорғаушылар "саяси тұтқын" деп таныған Сенцовты қолдауға танымал қоғам қайраткерлері, саясаткерлер мен шоу-бизнес жұлдыздары қатысты. Ресей билігі "Қырымда теракт жасамақ болған" деген айыппен 20 жылға соттаған Олег Сенцов Ресей түрмесінде мамырдың 14-нен бері аштық жариялап жатыр. Өзіне тағылған айыптарды мойындамайтын режиссер Ресей билігінен қамауда ұстап отырған барлық украиналық саяси тұтқындарды босатуды талап етеді. Азаттықтың Украин қызметінің видеосы.