аз
2025 жылдың үздік фотолары
Наразылық, қудалау, соғыс, шекара дауы... Азаттықтың әр елдегі тілшілері жыл бойы түрлі оқиғалар жайлы хабар таратты. Солардың ішінде ең басты дегендерін фотомен баяндайық.
1
Мыңдаған наразы жұрт қаңтардың 27-сі Белградтағы басты көше қиылысын түгел басып қалды. "Нови сад" теміржол станциясы бетон шатырының құлауынан соң студенттер бастаған наразылық жыл бойы қайталанып тұрды. 27 қаңтар, 2025 жыл.
Фото авторы: Азаттықтың Балқан қызметі.
Фото авторы: Азаттықтың Балқан қызметі.
2
Журналист Әсем Жәпішева 15 күндік әкімшілік қамаудан шыққан сәт. Басқа белсенділер сияқты ол да "ұлтаралық араздық қоздырды" деген күдікпен айып тағылып, қамалған QazNews24 сатиралық паблигінің авторы әрі негізін қалаушысы Темірлан Еңсебекті қолдауға шыққан. Жәпішева және басқа белсенділер "бейбіт жиын өткізу тәртібін бұзды" деп қамалды. Ал сәуірде сот Темірлан Еңсебектің бостандығын бес жылға шектеп, қоғамдық-саяси қызметпен айналысуға тыйым салды. Алматы, 4 ақпан 2025 жыл.
Фото авторы: Азаттықтың Қазақ қызметі.
Фото авторы: Азаттықтың Қазақ қызметі.
3
Жасы тоқсанға келген Сақыш Ережепқызы Қытайдың Шыңжаң аймағында қамауда отырған ұлы Қанат Ережептің портретін ұстап отыр. Қазақстанда Қытайға барып ұсталып қалған туыстарына араша сұрап наразылық білдіргендер көп. Алматы, 17 ақпан, 2025 жыл
Фото авторы: Азаттықтың Қазақ қызметі.
Фото авторы: Азаттықтың Қазақ қызметі.
4
Мәскеудің Украинаға басып кіруіне қарсылық білдірген Ресей оппозициясы 1 наурызда Германия астанасы Берлинде шеру ұйымдастырды. Демонстранттар Ресейдің өртенген туын ұстап барады.
Фото авторы: Антон Сергиенко, Азаттықтың Орыс қызметі.
Фото авторы: Антон Сергиенко, Азаттықтың Орыс қызметі.
5
Душанбедегі әйгілі "Рохат" шайханасы бұзылып жатқан сәт. Бұл ғимарат Тәжікстан астанасындағы жұрт көп келетін жер болған әрі әлемдегі ең үздік шайханалар қатарына енген. Алайда қала келбетін өзгертуді ұйғарған үкімет тұрғындардың ғимаратты сақтап қалу өтінішін ескермеді. 4 наурыз, 2025 жыл.
Сурет авторы: Шахло Абдуллоева, Азаттықтың Тәжік қызметі.
Сурет авторы: Шахло Абдуллоева, Азаттықтың Тәжік қызметі.
6
Артем есімді украин сарбазы "Батыл жүректер" қайырымдылық балында Полина есімді серігімен билеп жүр. "Бір жағынан түк қиындығы жоқ" дейді екі аяғы бірдей ампутацияланған сарбаз. "Екінші жағынан бұл физикалық тұрғыдан өте қиын. Сен де армандайсың, мақсат қоясың, алға ұмтыласың, бұл өмірде мүмкін емес ештеңе жоқ". Киев, 31 мамыр, 2025 жыл.
Сурет авторы: Сергей Нужненко. Азаттықтың Украин қызметі.
Сурет авторы: Сергей Нужненко. Азаттықтың Украин қызметі.
7
Ресейдің әуе шабуылы салдарынан қаза тапқан 24 жастағы Надия мен оның 2 жасар қызы Ангелинаны жерлеу рәсімі. Киев, 30 тамыз, 2025 жыл.
Фото авторы: Сергей Нужненко, Азаттықтың Украин қызметі.
Фото авторы: Сергей Нужненко, Азаттықтың Украин қызметі.
8
Азаттықтың Беларусь қызметінің журналисі Игорь Лосик (оң жақта) түрмеден босап шығып, 11 қыркүйекте бауыры Никитамен Литваның Вильнюс қаласында қауышты. Игорь саяси себептермен тағылған айыптар бойынша 15 жылға сотталып, соның бес жылдан астамын Беларусь түрмесінде өткізген. АҚШ пен Литваның дипломатиялық күш-жігерінің арқасында Лосикпен қоса тағы 50 адам Литваға жеткізілді. 11 қыркүйек, 2025 жыл.
Сурет авторы: Виялета Саучыц, Азаттықтың Беларусь қызметі.
Сурет авторы: Виялета Саучыц, Азаттықтың Беларусь қызметі.
9
Тәжікстанмен екі ортадағы мемлекеттік шекараға тартылған жаңа сым қоршаудың бойымен кетіп бара жатқан қырғыз солдаты. Екі арасында ондаған жылға созылған жер дауы аяқталып, Қырғызстан мен Тәжікстан шекараны демаркациялау сызығын бекітті. 14 қазан, 2025 жыл.
Сурет авторы: Жеңіс Айдаров, Азаттықтың Қырғыз қызметі.
Сурет авторы: Жеңіс Айдаров, Азаттықтың Қырғыз қызметі.
10
1 желтоқсан, Болгария астанасы София көшесі өртке оранды. Ұлттық бюджет жобасы жарияланып, елдің саяси элитасын жемқорлық жайлады деген ақпарат шыққан соң Болгарияда 1990 жылдардан бері болмаған наразылық бұрқ етті. 1 желтоқсан, 2025 жыл.
Фото авторы: Генка Шикерова, Азаттықтың Болгар қызметі.
Фото авторы: Генка Шикерова, Азаттықтың Болгар қызметі.
11
Қарулы полиция қызметкерлері Orda.kz басылымы редакциясының есігін күзетіп тұр. Бұл күні "Көрінеу жалған ақпарат тарату" бабымен күдікке ілінген басылымның редакциясы және бас редакторы Гүлнәр Бажкенованың үйінде тінту жүргізілді. Кейін Бажкенова үйқамаққа алынды. Артында дәл осындай айып ҚазТАГ ақпарат агенттігінің басшылығына да тағылып, бас редактор Әмір Қасенов үйқамаққа алынды.Алматы, 1 желтоқсан, 2025 жыл.
Фото авторы: Мейірім Бақытжан, Азаттықтың Қазақ қызметі.
Фото авторы: Мейірім Бақытжан, Азаттықтың Қазақ қызметі.
12
16 желтоқсанда Тбилиси орталығында болған наразылық кезінде Грузия жалауын желбіретіп тұрған адам. 2024 жылдың соңында Грузия Еуропа одағына кіру бойынша келіссөзді тоқтататынын мәлімдеген соң елде наразылық оқтын-оқтын болып тұрады.
Фото авторы: Ратиани, Азаттықтың Грузин қызметі.
Фото авторы: Ратиани, Азаттықтың Грузин қызметі.