Осымен Саддам Хұсейн режимін құлату үшін басталған операциялар өткен бір жылдан бері мерт болған америка сарбаздарының саны 900-ге жетті. Олардың 666 соғыста, 234 басқа себептермен қаза болды. Соғыс басталғалы жалпы коалиция күштерінің мерт болған сарбаздары 1017 адам. Ал «Рейтер» агенттігінің хабарлауынша, Бағдаттың солтүстігіндегі Самарра қаласының маңында мұнайқұбырындағы жарылыстың кесірінен өрт басталған. Бұл Ирақтың экспорттық мұнай құбыры. Бұл құбырға үнемі шабуыл жасалып тұратын, қазір Түркиядағы порттарға тасымалдайтын мұнай жоқ.
