Куба президенті Фидель Кастроның саясатымен келіспейтін 200-дей қауым Гавана маңайында бас қосып, өз мақсаттарын айтқан. Бұл Азаматтық қоғам үшін Ассамблеясының 1959-жылғы төңкерістен кейінгі алғашқы жиыны еді. Бұл ұйымға Кубадағы ондаған диссиденттік топтар мүше. Кубаның коммунистік үкіметі бұл ерекше жиынға рұхсат бергенімен, шақырумен келген чех сенаторы мен германиялық депутатты шығарып жіберген. Сондай-ақ, Италия және Польша журналистеріне хабар таратуға мүмкіндік бермеген.