МӘСКЕУ. Бүгін “Тәуелсіз мемлекеттердің достастығына” мүше елдердің сыртқы істер министрлері Мәскеуде бас қосады. Ресейлік ИТАР-ТАСС агенттігінің хабарлауынша, күн тәртібіне қойылған ең маңызды әрі ең өзекті проблемалардың бірі – ТМД-ны реформалау мәселесі болатын көрінеді. Саяси сарапшылардың ортақ пікірінше, бұрынғы одақтас 12 республикасының басын біріктірген ТМД-ның тәуелсіз мемлекеттер ішіндегі бұрынғы тығыз байланыстарды қайта жаңғыртпақ болған әрекеті күткендегідей нәтиже бермей келеді.
