КАНАР АРАЛДАРЫ: Бүгін африкалық мигранттарға лық толған 3 тағы қайық Испанияға қарайтын Канар аралдарына жетіп тоқтады. Соңғы 3 күннің ішінде аралдағы африкалық мигранттардың саны 1 мыңнан асты. Жұма күні 500 мигрант келді. Канар аралдарының үкіметі заңсыз мигранттардың легіне төтеп бере алмайтынын мәлімдеп, Испания үкіметін шұғыл шара қабылдауға шақырды. Осы жылы ғана аралдарға Африкадағы жоқшылықтан қашқан 17 мың заңсыз мигрант келіп түсті.
