Бүгін Қырғыз билігі оппозиция жетекшілері елде төңкеріс жасамақ болды деген күдікпен қылмыстық іс қозғап отыр. Бұл арада оппозицияны қолдаушы шерушілер Бішкектің орталық алаңында президент Құрманбек Бакиевтің қызметінен кетуін талап етуде. Онда 1 мыңдай шеруші Бакиевті елдегі кедейлікті жоя алмады, демократиялық реформалар жүргізбей, сайлау алдында уәдесі бойынша билікті парламентпен бөліспеді деп айыптауда.
