Өзбекстандағы адам хұқын қорғаушы Бахтиер Хамроев пен Жизақ қаласындағы тағы басқа белсенділер үй қамауында отыр. Бұл туралы Хамроевтың өзі Азаттық радиосының өзбек қызметіне телефон арқылы хабарлады. Хамроевтың айтуынша, соңғы 9 күн бойы қауіпсіздік күштері оның үйінің алдында бақылау орнатып отыр екен. “Бұл қазір Өзбекстанда жүрген Еуроодақ делегациясының сапарымен байланысты болуы мүмкін деп ойлаймын”, - деді Хамроев.
