Атом энергиясы бойынша халықаралық МАГАТЭ агенттігі Иран БҰҰ Қауіпсіздік Кеңесінің талабына сәйкес 21-ші ақпанға дейін уран байытуын тоқтатпады деп мәлімдеді. Қауіпсіздік Кеңесінің ақырғы мерзімінің Иран тарапынан жоққа шығарылуы Теһранға қарсы басқа да санкциялар енгізілуі мүмкін екендігін білдіреді. МАГАТЭ-нің айтуынша, Иран өзінің ядролық операцияларын доғарудың орнына керісінше оларды кеңейтуді көздеп отыр.
