АҚШ вице-президенті Дик Чейни жақында қол жеткізілген келісімге сәйкес Солтүстік Корея мұнай отынының орнына өзінің негізгі ядролық кешенін істен шығаратынына байланысты күмәнданатынын айтты. Бүгін Австралияда сөйлеген сөзінде Дик Чейни 6-жақты келіссөздерде Пхеньянмен ақпанның 13-і күнгі келісімге келуге қосқан үлесі үшін Қытайды мадақтады. Бірақ АҚШ вице-президенті, сондай-ақ, Бейжиннің өткен айда спутникке қарсы жасаған сынақтарына байланысты алаңдаушылық білдірді.
