Иран полициясы мұсылман көйлегін кимеген әйелдерге қарсы шараларын күшейтіп жатыр. Полицияның ақпарат орталығының басшысы Мехди Ахмадидің айтуынша, полицияның кеңесіне мән бермегендер полиция бекетіне әкелініп, тәртіпке салынады. Иранда 1979 жылы енгізілген Шариғат заңдары бойынша, әйелдер шаштарын жауып, ұзын кең көйлек киіп, өз қарапайымдылықтарын сақтап жүруі керек. Заң бұзғандар айыппұл салынады немесе түрмеге жабылады.
