БІШКЕК: “Азаттық” Радиосының Қырғызстандағы тілшілері хабарлағандай, бүгін қырғыз премьер-министрі Алмасбек Атамбаев осы айдың соңына қарай өтетін жалпыхалықтық референдумнан кейін өзі бастаған үкіметтің тарайтынын мәлімдеді. 21-інші қазанға белгілеген референдумда жаңа конституция мақұлдануға тиіс. Жаңа Ата заң – мемлекеттік билік тармақтарының тепе-теңдігін қамтамасыз етіп, заң парламенттің құрылымын өзгертеді және келесі жылы жаңа парламент сайлауын өткізуді талап етеді.
