Амара қаласында болған бұл бомба шабуылдарында жараланғандар саны да аз емес. Құрбан болғандардың нақты саны әзір анықталмай жатыр, Ирақ теледидары 30-дай адам деген хабар таратты. Жарылыстардың әрқайсысы қаланың орталығында бірнеше минуттар ішінде орын алған. Негізінен шииттер мекендейтін Майсан аймағындағы қауіпсіздік жауапкершілігін Британия жасақтары Ирақ билігіне сәуір айында берген болатын.
