Біріккен Ұлттар Ұйымының бас хатшысы Пан Ки Мун Қазақстанда су жетіспей жатыр, мұның салдарынан кедейшілік ұлғайып жатыр деп мәлімдеді. Біріккен Ұлттар Ұйымының бас хатшысы бұл сөзін Швейцарияның Давос қаласында өтіп жатқан Дүниежүзілік Экономикалық форумда кеше айтты. Біріккен Ұлттар Ұйымының бас хатшысы бұл мәселеде Қазақстанмен бір қатарға африкалық елдерді және басқа да елдерді қойды. Атап айтқанда, су тапшылығынан кедейшілік Қазақстанда, Сомалиде, Чадта, Нигерияда, Шри Ланкада, Гаити және Колумбияда ұлғайып жатыр делінді. Су тазалығы бұзыла берсе, су ысырапқа салына берсе, әділ бөлінбесе мәселенің одан сайын қиындайтыны ескертілді.
