Ауғанстанда орын алған жарылыстан қаза тапқан екі Голландия әскерінің біреуі жаңадан тағайындалған қарулы күштер қолбасшысының ұлы болып шықты. Бұл туралы бүгін Голландия ресмилері хабарлады. Олардың айтуынша, 23-жастағы Деннис ван Ухмға әдейі шабуыл жасалды деп айтуға дәлел табылмаған. Құрбан болған сарбаздың әкесі генерал Питер ван Ухм бейсенбі күні өз жұмысына кіріскен болатын. Бүгінгі жарылыстан сондай-ақ екі Голландия жауынгері жарақат алған.