Президент Михаил Саакашвилиге қарсы болушы партиялардың бүгін Тбилиси орталығында өткізіп жатқан шеруіне 10 мыңдай адам қатысуда. Грузия үкіметі бұдан бір жыл бұрын ел оппозициясының бейбіт шеруін күшпен басып-жаншыған болатын. Бұл шаралар осы оқиғаның бір жылдығына арналып отыр. Оппозиция Саакашвилиді тамыз айындағы Ресеймен қақтығыста лайықты басшылық жасай алмады деп айыптауда. Сондай-ақ сыбайласқан жемқорлық пен адам хұқын қорғау істерінде президентті кіналауда.
