Талибан бүлікшілері Ауғанстан президенті Хамид Қарзайдың бейбітшілік келіссөздері туралы ұсынысын қабылдамады. Талибан өкілі шетел күштері Ауғанстаннан кетпейінше, келіссөздер болмайды деген. Бұл туралы Associated Press ақпарат агенттігі хабарлады. Жексенбі күні Британия мен АҚШ-қа барып қайтқан Хамид Қарзай егер Талибан қозғалысы келіссөзге дайын болса, онда тәліптердің жетекшісі Мулла Мохаммад Омардың қауіпсіздігіне кепілдік беріледі деп мәлімдеген болатын.
