Пресзидент Барак Обама АҚШ Гаитидегі зілзаладан зардап шеккен мыңдаған адамға көмектің барлық мүмкіндігін қарастырады, үкіметтің барлық күш-жігерін тірі қалғандардың өмірін сақтап қалу жолына жұмылдырылатын болады деп атап көрсеткен.
Сейсенбі күнгі қуаты 7 магнитудадан асқан жер сілкінісінен ел астанасы қатты қирап, көптеген ғимараттар құлаған.
БҰҰ-ның Бас хатшысы Пан Ки Мун Гаитиде апаттан кейін қалыптасқан жағдайды "аса күрделі төтенше жайт" деп бағалады.
Халықаралық Қызыл крест және жарты ай ұйымы зілзала зардаптарына душар болған адамдар саны 3 миллионнан асады деп ескертті.
