Йемен полициясы шерушілерді тарату үшін оқ атты

Бүгін Йемен полициясы мыңдаған шерушіні қуып тарату үшін оқ атты. Йеменнің Шабуа мен Дхамар уәлаяттарында ондаған мың адам жиналып, елді 33 жыл басқарып отырған президент Әли Абудлла Салехтің биліктен кетуін талап етті.

Сонымен қатар сейсенбі күні елдің қарулы күштері Сана қаласына орналастырылды. Дүйсенбі күні Салех ұлттық диалогты бастауға шақырды, бірақ бұған қарамастан наразылық танытушылар үкіметке қарсы шерулерін жалғастырды.