Түркиядағы наразылық
Your browser doesn’t support HTML5
Стамбулда полиция шахтадағы апатқа байланысты билікке наразылық білдіріп шыққан мыңдаған адамды тарату үшін көзден жас ағызатын газ бен су шашты. Анкара қаласында да үкіметке наразылық танытқан жұртты полиция күшпен таратты. 13 мамыр күні Түркияның батысындағы Сома қаласында көмір шахтасындағы апаттан 230-дан астам кенші қаза тапқан еді. Кеніш басшылығы шахтадан 450-ге тарта адам құтқарылғанын айтады. Апат болған жерге барған Түркия премьер-министрі Режеп Тайып Ердоғанға наразы адамдар ашу-ызаларын білдіріп, оны "кісі өлтіруші", "ұры" деп атап, отставкаға кетуін талап еткен. 14 мамыр 2014 жыл.