Руханият

Қазақтың ойшыл ақыны Абай Құнанбайұлының туғанына ағымдағы жылы 165 жыл толып отыр. Алайда, Абайдың туған күні төңірегіндегі дау-дамай әлі толас таппай келеді. Абайтанушылардың бір бөлігі Абайдың туған күні 23 тамыз екенін айтады. Келесі бір абайтанушылар ақынның туған күні 10 тамыз дегенді алға тартады. Кейбір абайтанушылардың пікірінше, ұлы ақынның туған күні совет өкіметі орнағаннан кейін енген жаңа күнтізбе бойынша, 10 тамыз болып кеткен және ЮНЕСКО көлемінде тойланған Абайдың 150 жылдығында 10-шы тамыз болып белгіленген. Алайда, Абайдың нақты туған күні 23 тамыз деп абайтанушылар дәлелдеп келеді. Сондықтан, осы күнді оқулықтарға және абайтануға енгізу қажет деген пікір де бар.