Ресей әскери ұшақтары 5 қазан күні Сирияда 15 рет аспанға көтеріліп, "Ислам мемлекеті" (ИМ) экстремистік ұйымы шебіндегі бірнеше нысанға 10 рет соққы берген.
Ресей қорғаныс министрлігінің мәлімдеуінше, ұшақтар Хомстағы ИМ-ге тиесілі үш пунктті бомбалаған.
Кремль "Ресей ұшақтары ИМ позициясын 30 қыркүйектен бастап бомбалап жатқанын" айтса, Батыс елдері Ресейді "Башар Асад қарсыластарының позициясына шабуыл жасады" деп айыптайды.
5 қазан күні АҚШ президентінің баспасөз қызметкері Джош Эрнест "Ресейдің ИМ-ге қарсы шабуыл жасағанына ешқандай дәлел жоқ" деп мәлімдеді.