Барак Обама көзіне жас алды
Your browser doesn’t support HTML5
АҚШ президенті Барак Обама елде қару-жарақ саудасына бақылауды қатайтуға қатысты сөзінде, соңғы жылдары атыс қаруынан қаза болған мектеп оқушыларын айтқан кезде көзіне жас алды. Ақ үйдің мәліметі бойынша, жыл сайын Америкада 30 мыңнан аса адам қару оғынан мерт болады. Соңғы он жылда 18 жасқа жетпеген 20 мыңнан астам баланың қазасына атыс қаруы себеп болған. Бірақ «қару лоббиі» ықпалымен Конгресс қару-жарақ саудасын шектеу туралы заңдарды қабылдауға қарсылық танытумен келеді. Сондықтан, Обама ұсынған шаралардың көбі президент жарлығы негізінде атқарылмақ.